BEREZIAK

2017(e)ko maiatzaren 18(a), osteguna

HPT: "PNV eta PSE PPren errebaliden alde lerrokatu dira"


Gaur, Gasteizko Legebiltzarrean LOMCEren errebalidak eteteko Legez Besteko Proposamena eztabaidatu da EH Bildu-k proposatuta. LBP hau EH Bildu-k eta Elkarrekin Podemos-en babesa izan du. Kontra, ordea, PNV-k, PSE-k eta PP-k bozkatu dute.

Hezkuntza Plataformen Topaguneak Legebiltzar aurrean kontzentrazioa egin eta ondoren Legebiltzarrean bertan agerraldia egin du. Honen balorazioa egin eta hau adierazi nahi du HPT-k:

  • Jaurlaritzak, aurten ere, LOMCEren araberako azterketak aplikatzen hasi da. Astelehenean hasi dira azterketak.
  • Hezkuntza komunitatearen gehiengoak, berriz ere, planto egiteari ekin diogu.
  • Egun hauetan  gure ikastetxeetan planto jarrera irmoa egiten ari da.
  • Eskerrak eman nahi dizkiegu EH Bildu eta Elkarrekin Podemos-i plantoa babesteagatik.
  • Hala ere, pena handiz PNV-PSE-PPk LOMCEren azterketen alde egin badute ere, astelehenetik erakusten ari garen bezala azterketa inposatu hauei planto egiten jarraituko dugu, badakigulako LOMCEren aplikazio hutsa direla.
  • Beraz, dei egiten diogu hezkuntza komunitate guztiari plantoekin jarrai dezaten eta bestelako ebaluazio eredu baten alde egin dezaten.

2017(e)ko apirilaren 26(a), asteazkena

Maiatzaren 5ean kalera!


Maiatzaren 5ean ikastetxe, auzo zein herritean mobilizatzeko deialdia egin dugu.

Eusko Jaurlaritzak eta Nafarroako Gobernuak LOMCE aplikatzen jarraitzen dute. Horren adibide da indarrean dugun ebaluazio sistema.
LOMCEk ezartzen duen eraran, eta HEZIERRIk asumitu duen bezala, datozen egunetan LOMCEren araberako 4 azterketa inposatu izango ditugu gure ikastetxeetan:

Lehen Hezkuntzan: 3. eta 6. mailan + DBHn: 4. mailan + Batxilergoan 2. mailan.

Nahiz eta lotesleak ez izan eta errepikatzeko ez balio, LOMCEren araberako azterketak dira. Informazio argi eta zehatzik ez dute zabaldu, gainera, Cristina Uriarte zein Maria Solana sailburuek.

Hau dela eta, inposatu nahi zaizkigun LOCMEren araberako azterketei planto egiteko eta mobilizatzeko deia luzatu nahi dugu!

2017(e)ko martxoaren 25(a), larunbata

Planto egiteko erabiliko ditugun bitartekoak aurkeztu ditugu

Mamarigako Kulturgunean egindako asanbladaren ostean 2016-2017 ikasturte honetan LOMCEren araberako ebaluazio sistemak agintzen dituen azterketei planto egiteko bitartekoak aurkeztu ditugu.


Asanbladan, Lehen Hezkuntzako 3. eta 6. mailako zein DBH 4. mailako azterketei planto egingo diegula berrestu dugu.

Ondorengo loturan prestatu ditugun idazkiak deskargatu daitezke:

Eta hemen hitzaldiak emateko erabiliko dugun aurkezpena:



2017(e)ko martxoaren 20(a), astelehena

M22-23 guk ere GREBA!


Martxoaren 22 eta 23an greba egunak deitu dira. Lehengoa gehiengo sindikalak deitu du (LAB, ELA, Steilas) eta bigarrena Ikasle Abetzaleak-ek.

Hezkuntza Plataformen Topagunetik beharrezkoa ikusten dugu mobilizazio dinamikarekin jarraitzea. Gainera, inposatu nahi dizkiguten azterketa eta errebalidei planto egin eta bestelako ebaluazio eredu bat eraikitzeko kalera irtetzeko beharra dugu. Hori dela eta, guk ere greba egiteko deialdia egiten dugu!

2017(e)ko otsailaren 18(a), larunbata

#o18ebaluazioa topaketa herritarrak


“Ebaluazioa eztabaidara” topaketak antolatu ditu gaur Gasteizen, Oihaneder Euskararen Etxean. Bertan 48 lagun bildu gara eta egungo ebaluazio sistemaren inguruan eztabaidatu dugu.

Hemen topaketen inguruko informazio eta bitarteko guztiak: KLIK HEMEN

Ondorengo txio sortan Twitter bidez egindako jarraipena ikusi daiteke:

2017(e)ko otsailaren 13(a), astelehena

Badatoz ebaluazioaren inguruko topaketak

Zer dakigu ebaluazioaz? Zer da benetan? Zein garrantzia du gure ikasleen eta hezkuntza sistemaren hobekuntzan? Berdina al da ebaluatzea eta kalifikatzea? Nork antolatzen ditu eta zein helbururekin?

Galdera hauek eta gehiago, bolo-bolo ari dira azkenaldian ikastetxe zein kalean. Hori dela eta, HPT-tik modu erraz eta ulergarrian gai hau eztabaidara ekarri nahi dugu.

Horretarako larunbat honetan, hilak 18, goizeko 10:00etatik aurrera "Ebaluazioa eztabaidara" topagetak antolatu ditugu Gasteizen, Oihaneder etxean.

Hona deialdia egiteko kaleratu ditugun hainbat bideotxo:


2016(e)ko urriaren 30(a), igandea

Errebaliden ezaugarriak

Hauek dira Rajoy-k iragarritako errebaliden ezaugarri nagusiak. Aurten balio akademikorik izango ez dutela adierazi bazuen ere, egin, egin beharko dira eta unibertsitatera sartzeko derrigorrezkoa izango da (orain arteko selektibitatearen gisara). Hala ere, guk planto egingo diegu!

(Abajo en castellano)




2016(e)ko urriaren 21(a), ostirala

Urriak 26 dela eta...

Kaixo lagunak!

Dakizuen bezala, urriaren 26an Espainiar Estatu mailako greba eguna deitu du Sindikato de Estudiantes-ek. Horri tiraka, Hego Euskal Herrian ere, deialdi ezberdinak egongo dira.

Toki batetik zein bestetik, HPTren iritzia eskatu da honen inguruan. Hau dela eta, ondorengoa plazaratu nahi dugu HPT-tik:
  • Iraila hasieran egindako asanbladan ikasturteko plangintza orokorra zehaztu genuen. 3 puntu nagusi zituen:
    1. Iazko ildoari jarraitu, LOMCE/Heziberri-ri planto egitea.
    2. Ebaluazio eredua gai zentral nagusi gisa lantzen hastea.
    3. Murrizketak edota bestelako inposizioak salatu eta hezkuntza eragileekin harremanak mantentzea.